Lõunõ-Eesti kunsti seminäär

Riidi, joulukuu 14. pääväl kell 11–17 peetäs Tarton Jakobi 2-114 seminääri „Nuka vaim Lõunõ-Eesti kunstin“, kon kaias nii kunsti Lõunõ-Eestin ku ka Lõunõ-Eestit kunstin.

Ettekandin silmätäs lähembähe Lõunõ-Eesti kunstiaoluku (Tiiu Talvistu), kunstiharidust (Kristina Tamm) ja kunstiello (Piret Kullerkupp ja Jana Huul, Rait Rosin, Evar Riitsaar ja Kauksi Ülle). Lõunõ-Eestist peri kunstniguq kõnõlõsõq umast loomingust (Enno Ootsing, Jane Remm, Navitrolľa).

Seminääripäävä kavan ommaq ka Vana-Võromaa Kultuurikua pakudu näütüse „Siin ma olõ“ (kuraatri Jana Huul) tutvustus ni Evar Riitsaarõ „Sõlekirja“ ja Kauksi Ülle „Imäpuu“ raamadunäütämine.

Kaeq kavva lähembähe https://www.keel.ut.ee/et/instituut/louna-eesti-kunsti-seminar-2018.

Seminäär om osa TÜ Lõunõ-Eesti keele- ja kultuuriuurmiisi keskusõ egä-aastagadsõst seminäärisaŕast. Kunstiseminäär „Nuka vaim Lõunõ-Eesti kunstin“ sünnüs TÜ Lõunõ-Eesti keele- ja kultuuriuurmiisi keskusõ ni TÜ Viländi kultuuriakadeemiä kunstõ keskusõ ütistüün.

Seminääri tukõsõq Rahvakultuuri Keskusõ Vana-Võromaa perimüskultuuri programm 2018–2021, Seto Instituut ja Võro Instituut.

Mano saa küssüq:

Eva Saar (eva.saar@ut.ee), TÜ Lõunõ-Eesti keele- ja kultuuriuurmiisi keskus,

Maarja Nõmmik (maarja.nommik@ut.ee) ja Margot Must (margot.must@ut.ee), TÜ Viländi kultuuriakadeemiä kunstõ keskus Tarton